ഒളിച്ചോട്ടം.

കള്ളനാണെന്നറിഞ്ഞിട്ടും

അയാൾക്കൊരു
നല്ലവാക്ക്
സമ്മാനമായി നൽകിയ
ഇരയോട്
കള്ളന്
എന്തെന്നില്ലാത്ത ബഹുമാനം തോന്നി.
ഒരിയ്ക്കലും കിട്ടാത്ത നല്ല വാക്കുകൾ!
“എനിയ്ക്കിതാദ്യത്തെ അനുഭവമാ. പ്രത്യുപകാരമായി എന്താ ഞാൻ നൽകേണ്ടത്?”
കള്ളൻ ചോദിച്ചു.
“വേണ്ട, എനിക്കൊന്നും വേണ്ട. താങ്കൾ ഓടി രക്ഷപ്പെട്ടാൽ മാത്രം മതി.”
ഇരയുടെ ഈ മറുപടി കേട്ട കള്ളന് ,
അയാളോട് വല്ലാത്ത സ്നേഹം തോന്നി.
അതു പ്രകടിപ്പിക്കാൻ നിൽക്കാതെ,
കള്ളൻ തന്റെ ഇരയുടെ ആജ്ഞ അനുസരിച്ചു.
പിന്നെ ഒരോട്ടമായിരുന്നു....
ആ ഓട്ടം
എന്നെന്നേക്കുമായി മോഷണത്തിൽ നിന്നുമുള്ള ഒളിച്ചോട്ടമായിരുന്നു.