കുട

പ്രദക്ഷിണം പൂര്‍ത്തിയാകാന്‍ നോക്കിയിരിക്കുകയായിരുന്നു അയാള്‍.
ഓരോ മുത്തുക്കുടയും ശ്രദ്ധാപൂര്‍വം വാങ്ങി വയ്ക്കുന്ന ചുമതല അയാളുടേതായിരുന്നു.
നൂറുകണക്കിനു മുത്തുക്കുടകള്‍!
പെരുന്നാളിന്റെ ആളനക്കം അവസാനിച്ചപ്പോള്‍ മുത്തുക്കുടകളുടെ
സൂക്ഷിപ്പുമുറി പൂട്ടി, താക്കോലേല്പിച്ച് അയാള്‍ വീട്ടിലേയ്ക്ക് നടന്നു.
മാനത്ത് നക്ഷത്രത്തിളക്കമില്ല.
മഴമേഘങ്ങളുണ്ടുതാനും.
വൈകിയില്ല, മഴ പെയ്തു തുടങ്ങി.
സ്വന്തമായൊരു കുടയില്ലാത്ത അയാള്‍ വീടെത്താന്‍
മഴത്തുള്ളികള്‍ക്കിടയിലൂടെ പായുകയായിരുന്നു.